Nú verður glaumur og gaman því fjórir bráðskemmtilegir uppistandarar ætla að leggja undir sig Hafnarfjörðinn. Það eru þau Bergvin Oddson aka Beggi blindi, Elva Dögg Gunnarsdóttir, Leifur Leifsson aka öryrkinn óstöðvandi og Sigurgyða Þrastardóttir sem er ný á sviði uppistands á Íslandi... Elva og Leifur eru meðlimir HJÓLASTÓLASVEITARINNAR. Sýningin er liður í hátíðinni Iceland comedy festival...

Hér er hægt að kaupa miða http://midi.is/leikhus/1/7230/ en einni verður hægt að kaupa miða við dyrnar


Uppistandið mun eiga sér stað föstudagskvöldið 21. september 2012 klukkan 21:00 í Gaflaraleikhúsinu í Hafnarfirði og kostar litlar 1000 kr. inn.

Sjáumst hress, Beggi, Elva, Leifur og Sirrý :)

HJÓLASTÓLASVEITIN óskar ykkur gleðilegra jóla og farsæls komandi árs. Við þökkum stuðninginn á árinu.

Í albúmið eru komnar myndir frá síðast gigginu okkar í Gaflaraleikhúsin 2. des. sl. sjá HÉR

Meðan við leggjumst í jólahýðið erum við að huga að því að klára heimildarmyndina okkar um ferðir sveitarinnar um landið. Stefnum svo á gigg í janúar og febrúar. Nánar auglýst síðar.

JÓLAKNÚS Á YKKUR

HJÓLASTÓLASVEITIN stækkar og þroskast þó hún sé ekki dugleg að blogga. Í sumar hefur sveitin unnið mikla hugmyndavinnu. Og nú í haust bættist nýr meðlimur við sveitina Elva Dögg Gunnarsdóttir sem gefur sveitinni alveg nýtt yfirbragð en hún er með Tourett.

Sveitin vinnur nú að upptökum á sketsum í samvinnu við sov.is og æfir upp prógramm sem flutt verður að Bifröst og í Hafnarfirði bráðlega. Þá erum við líka að vinna í eldra efni fyrir heimildarmyndina okkar.

 Endilega kíkið á okkur á Facebook þar sem við förum geyst þessa dagana

List án landamæra mun blása til stórbrotinnar leikhúsveislu í Borgarleikhúsinu mánudaginn 28. September kl. 20.00, í kjölfarið á norrænu ráðstefnunni „Líf og list án landamæra“ sem List án landamæra stendur fyrir sama dag á Grand Hóteli.

Norski hópurinn Dissimilis mun flytja verkið Árstíðirnar fjórar á stóra sviðinu, en hópurinn kemur hingað til lands í boði Listar án landamæra og Norrænu ráðherranefndarinnar.

.

Dissimilis verða ekki ein um stóra svið Borgarleikhússins, því eftirtaldir hópar munu einnig stíga á sviðið: HJÓLAST'OLASVEITIN með Uppi hvað, Tjarnarleikhópurinn með Hótel Hrollstaði og  Ég og vinir mínir með brot úr Húmanímal.

.

DISSIMILIS

HJÓLASTÓLASVEITIN

Þann 11. janúar 2008 varð Hjólastólasveitin formlega til en hún er sprottin upp af námskeiði hjá Halaleikhópnum haustið 2007. Tilgangur félagsins er að skemmta fólki með uppistandi víðs vegar, innanlands sem utan, vekja athygli á málefnum hreyfihamlaðra og annarra fatlaðra í samfélaginu og efla heilsu allra landsmanna með hlátri.

Á þeim tveim árum sem Hjólastólasveitin hefur starfað hefur hún komið fram í 21 skipti vítt og breitt um landið. Ljóst er að þetta framtak er algjör nýlunda og frumkvöðlastarfsemi sem sveitin er að framkvæma um þessar mundir.

Hjólastólasveitina skipa: Ágústa Skúladóttir, Ása Hildur Guðjónsdóttir, Guðríður Ólafsdóttir, Kolbrún Dögg Kristjánsdótti, Leifur Leifsson og Örn Sigurðsson.

.

Tjarnarleikhópurinn

Tjarnarleikhópurinn samanstendur af ungu og spræku fólki sem á það sameiginlegt að hafa brennandi áhuga á leiklist og flestu menningartengdu. Leikararnir stunduðu allir leiklistarnám í framhaldsskóla og stofnuðu formlega Tjarnarleikhópinn þegar framhaldsskóla lauk.

Hópurinn hefur verið starfandi um nokkurra ára skeið og gert víðreist með sýningar sínar, sýnt innalands og erlendis en hópurinn sýndi verkið "Okkar eigin Shakespeare" í Danmörku fyrir tveimur árum við góðar undirtektir. Í hópnum er einnig liðtækt myndlistar- og tónlistarfólk og rithöfundar sem hafa lagt hópnum til handrit þótt flestar sýningar sínar vinni hópurinn í spunavinnu.

Tjarnarleikhópurinn mun flytja verkið Hótel Hrollstaðir. „Það er ekki fyrir alla að gista á hótel Hrollsstöðum – myndir þú þora?“

Leikarar:  Andri Freyr Hilmarsson, Arnbjörg Magnea Jónsdóttir, Auðun Gunnarsson, Ástrós Yngvadóttir, Bjarki Erlingsson, Edda Sighvatsdóttir, Elín Ólafsdóttir, Gísli Björnsson, Guðmundur Stefán Guðmundsson, Hildur Sigurðardóttir, Halldóra Jónsdóttir, Halldór Steinn Halldórsson, Íris Björk Sveinsdóttir, Rut Ottósdóttir og Sigurgeir Sigmundsson.

Kennarar:  Anna Brynja Baldursdóttir, Guðlaug María Bjarnadóttir og Guðný María Jónsdóttir.

Ég og vinir mínir